ओलीले अपराधको पाप पखाल्न पशुपतिमा बत्ती बालेः भीम रावल

नेकपा प्रचण्ड–माधव समूहका नेता तथा स्थायी कमिटी सदस्य भीम रावलले प्रधानमन्त्री केपी ओलीलाई अपराधको पाप पखाल्न पशुपतिनाथ मन्दिर पुगेको आरोप लगाएका छन् ।

बाजुराको कोल्टी हुँदै मुगुको गमगडी पुगेका नेता रावलले यस्तो बताएका हुन् । संसद विघटनविरुद्धको आन्दोलमा सम्बोधन गर्ने क्रममा नेता रावलले प्रधानमन्त्री ओलीले पशुपतिनाथ मन्दिरमा पुगेर पूजा गरेको सन्दर्भ माथि कटाक्ष गर्दै नेता रावलले यस्तो बताएका हुन् ।

तर उनले पशुपतिमा गएर बत्ती बाल्दैमा पाप नपखालिने जिकिर समेत गरे । उनले भने, ‘नागरिक समाज, कानुन व्यवसायीदेखि चौतर्फी बिरोध हुन थालेपछि आफुले गरेको असंवैधानिक कदमको पाप पखाल्न पशुपतिमा बत्ति बाल्न पुगेका छन् ।

तर यति ठूलो अपराधको बत्ती बालेर अपराध पखालिँदैन  पूर्वमन्त्री समेत रहेका रावलले केपी ओलीलाई काम गर्न पार्टीबाट कुनै अवरोध नभएको बरु उल्टै विदेशीहरुसँग झुक्न थालेको पनि आरोप समेत लगाए । यस्तै देश र जनताविरोधी काम गर्न थालेपछि पार्टीले ओलीलाई रोक्न खोजेको उनले स्मरण गर्दै कोरोनाभाइरस नियन्त्रणमा कुनै चासो नदेकाको आरोप लगाए ।