चितवन पुगेर रामचन्द्र पौडेलले भने– ‘संविधानलाई रछ्यानमा पुर्‍याउने काम भयो’

सफल खबर संवाददाता

शनिबार, ०३ माघ २०७७, १५ : ३८
चितवन पुगेर रामचन्द्र पौडेलले भने– ‘संविधानलाई रछ्यानमा पुर्‍याउने काम भयो’

सांकेतिक तस्विर

भरतपुर । नेपाली कांग्रेसका वरिष्ठ नेता रामचन्द्र पौडेलले सरकारबाट संविधानलाई रछ्यानमा पुर्‍याउने काम भएको बताएका छन् ।

कांग्रेस चितवनले आज शारदानगरमा गरेको विरोध सभामा संवोधन गर्दै नेता पौडेलले भने, ‘संविधानलाई बचाएर मात्र चुनावमा जान्छौँ, अहिले चुनाव चुनाव भनिरहन आवश्यक छैन ।’ उनले आज नभएको चुनाव भोलि वा पर्सी हुने बताए । 

नेता पौडेलले भने, ‘संसद पुनस्र्थापना भए पनि कांग्रेस ठूलो शक्ति बन्छ, चुनाव भए पनि कांग्रेस निर्णायक शक्ति नै बन्छ ।’ केन्द्रीय कार्यसमितिले प्रतिनिधिसभा विघटनलाई असंवैधानिक भनेको स्मरण गर्दै उनले संसद पुनस्र्थापना अपरिहार्य रहेको बताए । उनले अबको निर्णायक शक्ति नै कांग्रेस भएको दावी गरे । 

न्यायाधीशहरुको विश्वास आफूले गरेको बताउँदै नेता पौडेलले भने, ‘अदालतको निर्णय शिरोधार्य गर्छौ, तर विश्वास छ, न्यायाधीशहरुले सही निर्णय गरेर संसद पुनस्र्थापना नै गर्नेछन्, यसमा मलाई पूरा विश्वास छ ।’