नेकपा प्रचण्ड माधव पक्षको बैठक : संसद विघटनविरुद्धको आन्दोलनलाई अझ प्रभावकारी बनाउने

काठमाडौं । नेपाल कम्युनिस्ट पार्टी नेकपा प्रचण्ड–माधव पक्षको स्थायी समिति बैठकले संसद विघटनविरुद्धको आन्दोलनलाई अझ प्रभावकारी बनाउने निर्णय गरेको छ । 

प्रधानमन्त्री केपी ओलीको संसद विघटन गर्ने प्रतिगामी कदमविरुद्धको आन्दोलन प्रभावकारी हुँदै गएको निश्कर्ष समेत बैठकले निकालेको छ । बिहीबारबाट पेरिसडाँडामा सुरु भएको बैठकमा भएको छलफलले आन्दोलनलाई अझ सशक्त प्रभावकारी बनाएर ओली सरकारलाई घुँडा टेकाउने निर्णय गरेको छ । 

बैठपछि नेता रघुजी पन्तले अहिलेसम्म भएका संघर्षका कार्यक्रमको समीक्षा गर्दै भावी आन्दोलनका बारेमा बैठकमा छलफल भएको जानकारी दिए । उनले अहिलेसम्मको आन्दोलन प्रभावकारी भएको भन्दै अझै प्रभावशाली बनाउन पहल गर्ने निर्णय भएको बताए । उनले यो आन्दोलनले संविधान, लोकतन्त्र जोगाउँदै मुलुकको डिरेल हुन लागेको राजनीतिलाई ट्रयाकमा ल्याएरमात्रै विश्राम लिने बताए ।