काठमाडौं । बेलायतमा कोरोनाको महामारी बढेसंगै कोरोना विरुद्धको अर्को खोप मोडेर्नालाई पनि बेलायतले आममानिसको प्रयोगको लागि मान्यता दिएको छ ।
तेस्रो खोपको रुपमा मोडर्नाले मान्यता पाएसंगै बेलायतमा कोरोना विरुद्धका तीनवटा खोप संचालनमा आएका छन् । मोडर्नाको खोप पनि फाइजर- बायोएनटेक जत्तिकै प्रभावकारी भएको बताइएको छ। परीक्षणका क्रममा यो खोप ९५ प्रतिशतसम्म प्रभावकारी पाइएको थियो ।
बेलायतले मार्डना खोपको १ करोड ७० लाख डोज अर्डर गरेको भएपनि प्रयोगका लागि उपलब्ध हुन कम्तीमा मार्च महिनासम्म लाग्ने अधिकारीहरुले बताएका छन् । यसअघि फाइजर-बायोनटेक र अक्सफोर्ड-एक्सट्राजेनेका खोपलाई बेलायतले मान्यता दिएर वितरण पनि शुरु गरिसकेको छ ।
कोरोना संक्रमण दर बढेसंगै कोरोना विरुद्धको भ्याक्सिनलाई पनि तीव्रता दिइएको छ । हालसम्म १२ लाख ९६ हजार ४३२ जनालाई कोरोना विरुद्धको भ्याक्सिनको पहिलो दिईसकेको स्वास्थ्य विभागले जनाएको छ ।
जसमध्ये २१ हजार ३१३ जनालाई भ्याक्सिनको दोस्रो डोज पनि दिइसकिएको छ । बिहिबार सार्वजनिक तथ्यांक अनुसार बेलायतमा पछिल्लो २४ घन्टामा एक हजार १६२ जनाको मृत्यु भएको थियो भने पछिल्लो एकसाता निरन्तर पचास हजार भन्दा बढी संक्रमित थपिदै आएका छन् ।
प्रतिक्रिया दिनुहोस
एजेन्सी
शुक्रबार, २४ पुस २०७७, २० : १४
लेखकबाट थप
सम्बन्धित समाचारहरु
हुम्लामा ८२ प्रतिशत बालबालिकाले लगाए खोप
काठमाडौँमा दुई लाख बढी बालबालिकाले लगाए रुबेला–दादुराविरुद्धको खोप
आज देखी देशब्यापी रूपमा दादुरा-रुवेलाको खोप लगाइदैँ
वीरगन्ज महानगरमा दादुरा–रुबेला खोप अभियान फागुन १३ देखि सुरु हुँदै
पाठेघरको मुखको क्यान्सर विरुद्ध २० हजार किशोरीलाई खोप
दादुरा–रुवेला विरुद्धको खोप फागुन दोस्रो सातादेखि