काठमाडौं । पहुँचका आधारमा लोडसेडिङको बेला पनि डेडिकेटेड फिडर एवं ट्रंकलाइनबाट निरन्तर विद्युत् लिँदै आएका भाग्यमानी उद्योगले प्रिमियम सहितको महसुल नतिरेपछि गत वर्षको फागुनमा बिजुली काट्न थालियो ।
विराटनगरका केही उद्योगको लाइन काटिएपछि बालुवाटारको बेडसम्म पहुँच राख्न सक्ने केही उद्योगीले प्रधानमन्त्री र प्रमुख राजनीतिक सल्लाहकार विष्णु रिमाललाई भेटे । त्यसपछि सिधै फोन गयो ‘लाइन नकाट्नू ।’ प्रधानमन्त्रीको आदेश भन्दै लाइन नकाट्न उर्दी जारी भएपछि प्राधिकरण आफ्नो निर्णयबाट पछि हट्यो र काटिएको लाइन जोड्न शुरु ग¥यो ।
प्रधानमन्त्रीले विनियममा भएको व्यवस्था कार्यान्वयन गर्ने प्राधिकरणका तत्कालीन कार्यकारी निर्देशक कुलमान घिसिङलाई ऊर्जासचिव दिनेशकुमार घिमिरेमार्फत स्पष्टीकरण सोध्न लगाए । यद्यपि, मन्त्रिपरिषद्को असारको बैठकले स्पष्टीकरण चित्तबुझ्दो भएको भन्दै घिसिङलाई सफाइ दिएको छ । १० अर्ब रूपैयाँभन्दा बढी महसुल नतिर्नेमा ठूला तथा चर्चित उद्योग छन् । उक्त रकम प्राधिकरणले असुल्न र लाइन पनि काट्न सकेको छैन ।
प्राधिकरण सञ्चालक समितिको अध्यक्ष ऊर्जा, जलस्रोत तथा सिञ्चाइमन्त्री वर्षमान पुनः स्वयं छन् । अर्थ र ऊर्जा सचिवहरू बोर्ड सदस्य छन् । अमेरिका मात्रै हैन, प्रधानमन्त्री र उनको सल्लाहकार समूहले पत्याएको कामु कार्यकारी निर्देशक हितेन्द्रदेव शाक्य छन् । मन्त्रिपरिषद्को १९ साउनको बैठकले ट्रंक लाइन तथा डेडिकेटेड फिडरबाट विद्युत् आपूर्ति भइरहेका विद्युत्् उपभोक्ता, उद्योगी व्यवसायी र प्राधिकरणबीच देखिएको विवादलगायत समस्या समाधान गर्न ऊर्जा मन्त्रालयलाई निर्देशन दिएको छ ।
तर, मन्त्रिपरिषद्ले निर्देशन दिएको ४ महिना पूरा हुँदासमेत निर्णय कार्यान्वयन हुन सकेको छैन् । निर्देशनका आधारमा निर्णय कार्यान्वयन गर्ने मुख्य जिम्मेवार विद्युत् नियमन आयोग र प्राधिकरण हुन् । प्राधिकरण बोर्डको अध्यक्षता गरिरहेका मन्त्री अर्बांै आम्दानी उठाउन सक्रिय देखिन्नन् । विवाद समाधान गर्न सचिव घिमिरेको संयोजकत्वमा गठित समितिमा अर्थ, उद्योग, प्राधिकरणका कार्यकारी निर्देशक र ऊर्जाका सहसचिव थिए ।
उनीहरूलाई सम्बन्धित मन्त्रीसँग समन्वय गरी प्रतिवेदन बनाउने कार्यदेश थियो । कार्यदलले २०७२ माघदेखि लोडसेडिङ अन्त्य भएको महिना २०७५ वैशाखसम्मको महसुल उद्योगले तिर्नुपर्ने र त्यसपछिको महसुल खारेज गर्र्नुपर्ने सिफारिस गरेको थियो । यही प्रतिवेदनलाई कार्यान्वयन गर्न मन्त्रिपरिषद्ले निर्देशन दिएको हो । जनतालाई अँध्यारोमा राखी उद्योगीबाट मोटो रकम कुम्ल्याएका प्राधिकरणका तत्कालीन कार्यकारी निर्देशक मुकेश काफ्लेको ठाडो तोक आदेशमा उद्योगीले लोडसेडिङमा पनि निरन्तर बिजुली पाएका थिए ।
आफ्नो व्यक्तिगत फाइदाका लागि जनतालाई अँध्यारोमा राख्ने काफ्लेलाई अख्तियारले कारबाहीको भागीदार बनाउन सकेको छैन् । उनले लगाएको तोकसहित अख्तियारमा उजुरी परेको छ । डेडिकेटेड फिडर र ट्रंकलाइनबाट क्रमशः २३१ र ६७ गरी जम्मा २९८ ग्राहकले विद्युत् आपूर्ति लिइरहेका थिए । त्यसमध्ये १८४ ग्राहकलाई प्रिमियमसहितको विद्युत् महसुल दर लागू गरिएको थियो । (जनआस्था साप्ताहिकबाट)
प्रतिक्रिया दिनुहोस
सम्बन्धित समाचारहरु
विद्युत प्राधिकरणले काट्यो थप दुई ठुला उद्योगको बिजुली
बक्यौता महसुल उठाउन लाइन काट्दै विद्युत प्राधिकरण
विद्युत प्राधिकरणलाई बाह्रबिसे सबस्टेसनको तत्काल निर्माण सक्नु पर्ने दबाब
विद्युत प्राधिकरणका पूर्व मेकानिकल इन्जिनियरविरुद्ध भ्रष्टाचारको मुद्दा
विद्युत प्राधिकरणले थाल्यो चालु खर्चहरुमा कटौती
विद्युत प्राधिकरणले पायो अत्याधुनिक प्रविधियुक्त ट्रान्सफर्मर