काठमाडौँ । प्रधानमन्त्री केपी शर्मा ओलीले आहृवान गरेको सर्वदलीय बैठकमा राष्ट्रिय प्रजातन्त्र पार्टी (राप्रपा) ले राखेको प्रस्तावलाई कसैले भाउ दिएनन् ।
राजासहितको लोकतन्त्र र हिन्दु राज्यबारे सार्वदलीय बैठकमा निकास खोज्ने प्रस्ताव राखेको बैठकमा सहभागी राप्रपाका नेता दिपक बोहोराले जानकारी दिए ।
राजतन्त्रको पक्षमा भइरहेको आन्दोलनबारे छलफल भएको बैठकमा राप्रपाका नेताहरुले संविधान बनाउँदा चौथो पात्र आफूहरु नै भएको र संविधानप्रति समर्थन रहेको बताए । राजतन्त्रको पक्षमा रहेको भइरहेको आन्दोलनमा नैतिक समर्थन रहेको बताएका छन् ।
बैठकपछि राप्रपाका नेता दीपक बोहोराले भने, ‘हामीले राजासहितको लोकतन्त्र र हिन्दु राष्ट्र कायम गर्ने विषयमा सर्वदलीय बैठकबाट छलफल र निर्णय गरौं भनेर प्रस्ताव राखेका छौं । तर कतैबाट जवाफ आएन ।’
बैठकमा कतिपयले राजवादीहरुको आन्दोलनबारे फरकफरक धारणा आएको थियो । राप्रपा नेता बोहोराले भने, ‘यो आन्दोलनबारे चासो सबै पार्टीको थियो, तर हामीले दिएको विकल्पबारे ‘प्रधानमन्त्रीज्यू र अरु दलको पनि रेस्पोन्स आएन ।’
सर्वदलीय बैठकमा राप्रपा नेताहरुले कोभिड नियन्त्रणमा सरकार असफल बताएका छन् । साथै कोभिड भ्याक्सिन निःशुल्क उपलब्ध गराउन समेत सुझाव दिएका छन् ।
प्रतिक्रिया दिनुहोस
सफल खबर संवाददाता
मंगलबार, २३ मंसिर २०७७, १७ : १४
लेखकबाट थप
सम्बन्धित समाचारहरु
वीरगन्ज विवादबारे सर्वदलीय बैठकको ५ बुँदे निर्णय, के–के भयो सहमति ?
बागमती प्रदेशको सर्वदलीय बैठक निष्कर्षविहीन
शान्ति र संविधानमाथिको प्रहारविरुद्ध मिलेर प्रतिवाद गर्ने सर्वदलीय बैठकको निष्कर्ष
सर्वदलीय बैठक सिंहदरबारमा सुरु
प्रधानमन्त्रीद्वारा कृतज्ञता ज्ञापन
प्रधानमन्त्रीद्वारा मन्त्रिपरिषद् र सर्वदलीय बैठक आह्वान