काठमाडौँ । नेपाली काँग्रेसले सरकारको काम ठीक ढंगले हुन नसक्दा जनतामा वितृष्णा जागेको भन्दै त्यसकै नतिजास्वरुप असन्तुष्टिका स्वरहरु सडकमा देखिन थालेको बताएको छ । प्रधानमन्त्री निवास बालुवाटारमा बसेको सर्वदलीय बैठकमा काँग्रेसले सबैभन्दा पहिला सरकार सच्चिने हो भने कतिपय समस्या आफै हल हुने धारणा राखेको हो ।
बैठकमा काँग्रेसले सरकारको काम कारबाही सहीरुपमा हुन नसकेको, लोकतन्त्रविरोधी गतिविधि सरकारबाटै भएको, कोरोना महामारी नियन्त्रणमा प्रभावकारी भूमिका खेल्न नसकेको, जनभावनाअनुरुप काम गर्ने नसकेको जस्ता कारणले सरकारप्रति नागरिकमा वितृष्णा बढेको र सोही अनुरुप असन्तुष्टिका स्वरहरु सडकमा देखिएको काँग्रेसको भनाइ छ ।
बैठकपछि काँग्रेस सहमहामन्त्री डा प्रकाश शरण महतले देशभर राजावादीको आन्दोलन बढ्नु सिस्टमको खराबी नभएर सरकारको कार्यशैलीमात्रै भएको बताए । उनले भने, ‘सरकारले ठीक ढंगबाट काम नगर्दा अहिलेको अवस्था आएको हो । यो सिस्टमको खराबी होइन तर सरकार सञ्चालन गर्नेहरु सच्चिन जरुरी छ ।’ महतले आफूहरुले तत्काल संसद बैठक बोलाउन अनुरोध गरेको पनि बताए ।
प्रतिक्रिया दिनुहोस
सफल खबर संवाददाता
मंगलबार, २३ मंसिर २०७७, १४ : ४८
लेखकबाट थप
सम्बन्धित समाचारहरु
वीरगन्ज विवादबारे सर्वदलीय बैठकको ५ बुँदे निर्णय, के–के भयो सहमति ?
बागमती प्रदेशको सर्वदलीय बैठक निष्कर्षविहीन
शान्ति र संविधानमाथिको प्रहारविरुद्ध मिलेर प्रतिवाद गर्ने सर्वदलीय बैठकको निष्कर्ष
सर्वदलीय बैठक सिंहदरबारमा सुरु
प्रधानमन्त्रीद्वारा कृतज्ञता ज्ञापन
प्रधानमन्त्रीद्वारा मन्त्रिपरिषद् र सर्वदलीय बैठक आह्वान