कोरोना संक्रमण तिब्र भएपछि भारतको अहमदाबादमा कर्फ्यू

एजेन्सी । कोरोना भाइरसको संक्रमण तिव्र बनेपछि भारतको अहमदाबादमा आज (शुक्रबार) देखि रातको समयमा कर्फ्यू लगाइने भएको छ ।समाचार संस्था पिटिआईका अनुसार अहमदाबादमा कोरोना संक्रमण बढ्दै गएकाले गुजरात सरकारले रातको समयमा कर्फ्यू लगाउने निर्णय गरेको हो । 

राति ९ बजेदेखि बिहान ६ बजेसम्म कर्फ्यू आदेश जारी भएको हो। कर्फ्यू कहिलेसम्म जारी रहन्छ भन्ने खुलाइएको छैन । कोरोनाकै कारण गुजरातमा हाल सम्म ३८३० मानिसको कोरोना संक्रमणका कारण मृत्यु भएको छ । अहमदाबादमा मात्रै अहिलेसम्म ४६ हजारभन्दा धेरै सङ्क्रमित भइसकेका छन्।