गैडाकोटका दुईजना दाजुभाई बेपत्ता, खोजविनका लागि परिवारको आग्रह

नवलपरासी । गैडाकोट–२ एस पि एम कलेज टोलका दुईजना दाजुभाई १७ गते बिहान देखी परिवारको सम्पर्कमा नआएपछि आफ्ना छोराहरु हराएको भन्दै आमा टेकमाया शर्माले खोजविनका लागि अपिल गरेका छन् । 

बेपत्ता हुनेहरुमा २६ वर्षका बिजयबाबु र २१ वर्षिय संगम पौडेल रहेका छन् । दुवैजना दाजुभाई १७ गते बिहानको खाना आएर साढे १० बजे हार्फ टिर्सट र हाफ पाईन्ट लगाएर घर बाहिर निस्किएको २४ घंटा बितिसक्दा पनि  हाल सम्म घर नफर्किएको आमाले बताईन् । 

छोराहरुले मोबाईल समेत घरमै छाडेर हिडेको र सम्पर्कमा नआएपछि गैंडाकोट प्रहरीमा समेत खोजविनका आग्रह गरिएको उनको भनाई छ । यता प्रहरीले सिसि क्यामरा मार्फत हेर्दा कहिकतै नदेखिएको प्रहरीको भनाई छ ।

अन्यसँग सोधपुछ गर्दा एक, दुई जनाले नारायणी नदी किनारको बाटो टोलटोल तर्फ हिड्दै गरेको बताएपनि उनीहरु कता गएका हुन भन्ने खुल्न सकेको छैन् । परिवारले उनीहरुलाई कतै देखेमा मोबाईल नम्बर ९८४६१०५१५१ वा प्रहरीमा खवर गरिदिन आग्रह गरेका छन् ।