विपद्का घटनामा ४ सय ६३ जनाको मृत्यु

काठमाडौँ । बितेको ७ महिनामा विपद्का घटनाहरुमा ४ सय ६३ जनाको मृत्यु भएको छ । 

गृह मन्त्रालय मातहतको राष्ट्रिय विपद् जोखिम न्यूनीकरण तथा व्यवस्थापन केन्द्रका अनुसार आगलागी, चट्याङ, सर्पदंश, जनावर आक्रमण, बाढी, पहिरो र अविरल वर्षाका कारण सो ४६३ जनाको मृत्यु भएको हो । 

प्राधिकरणका अनुसार आगलागी, चट्याङ, सर्पदंश, जनावर आक्रमण, बाढी, पहिरो र अविरल वर्षाका घटना २०४४ वटा भएको छ । बेपत्ता हुनेको संख्या १०१ र घाइते ८०३ जना छन् । ७९ करोड ५७ लाख ९५ हजार ८१० रुपैयाँ बराबरको अनुमानित क्षति भएको छ ।