खाना पकाउँदा ग्यास लिक भएर आगलागीमा परेकी महिलाको मृत्यु

कैलाली । खाना पकाउँदा ग्यास लिक भएर आगलागीमा परेकी महिलाको मृत्यु भएको छ । धनगढीमा खाना पकाउँदा आगलागीमा परेकी महिलाको काठमाडौँमा उपचारको क्रममा मृत्यु भएको हो । 

बुधबार बिहान धनगढी उपमहानगरपालिका ८ स्थित हरिलाल विष्टको घरमा ग्यास विस्फोट भएर आगो लागेको थियो । ग्यास विस्फोटमा परी ७० वर्षका विष्ट, उनकी ६५ बर्षीया श्रीमती बिर्मा विष्ट र १५ बर्षकी नातिनी महेश्वरी विष्ट घाइते भएका थिए ।

शरीरमा आगो लागेर गम्भीर घाइते रहेकी महिलाको उपचारमा क्रममा बिहीबार दिउँसो मृत्यु भएको जिल्ला प्रहरी कार्यालय कैलालीले जनाएको छ । प्रहरीका अनुसार उनको उपचारको क्रममा काठमाडौँमा मृत्यु भएको अन्य २ जनाको भने काठमाडौँमा उपचार भइरहेको छ ।