बुटवलमा थप एकजना कोरोना संक्रमित पुरुषको मृत्यु

बुटवल । बुटवलमा थप एक कोरोना संक्रमित पुरुषको मृत्यु भएको छ ।  नवलपरासी पश्चिमको सुनवल–४ का ७७ वर्षीय पुरुषको बुधबार बिहान बुटवल कोरोना विशेष अस्पताल लैजाने क्रममा बाटोमै मृत्यु भएको हो ।

असोज २५ गते स्वास्थ्यमा समस्या भई बुटवलको चौराहा अस्पतालमा ल्याइएका उनलाई २६ गते बिहान लुम्बिनी प्रादेशिक अस्पताल रिफर गरिएको थियो । त्यहाँ गरिएको पीसीआर रिपोर्ट पोजिटिभ आएपछि उनलाई फिभर क्लिनिकमा उपचार गरिएको थियो ।

उनलाई राति थप समस्या भएपछि कोरोना अस्पताल लैजाँदै गर्दा बाटोमै मृत्यु भएको अस्पतालले जनाएको छ । अस्पतालका अनुसार ती व्यक्ति मुटुरोगी थिए ।