थपिए पाँच हजार आठ जना कोरोना संक्रमित

काठमाडौँ । बितेको २४ घण्टामा नेपालमा पाँच हजार आठ जना कोरोना संक्रमित थपिएका छन् । गत २४ घण्टामा कोरोना संक्रमणबाट १४ जनाको मृत्यु भएको छ । कोरोना संक्रमणमुक्त हुनेहरु एक हजार दुई सय २९ जना छन् । सक्रिय संक्रमित संख्या ३० हजार ८ सय १८ पुगेको छ ।

स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले दिएको जानकारी अनुसार नेपालमा हालसम्म कुल संक्रमित संख्या एक लाख पाँच हजार ६ सय ८४ पुगेको छ ।

हालसम्म कोरोना संक्रमणमुक्त हुनेहरु ७४ हजार दुई सय ५२ जना पुगेका छन् । हालसम्म कोरोनाबाट नेपालमा ६ सय १४ जनाको मृत्यु भइसकेको छ ।