उपचारको क्रममा भैरहवामा थप एकजना कोरोना संक्रमितको मृत्यु

बुटवल । उपचारको क्रममा आज भैरहवामा एकजना कोरोना संक्रमितको मृत्यु भएको छ । रूपन्देहीको भैरहवास्थित युनिभर्सल कलेज अफ मेडिकल साइन्सेजमा उपचाररत सिद्धार्थनगर नगरपालिका–५ का ४७ वर्षीय पुरुषको बुधबार राति १० बजे मृत्यु भएको हो ।

उपचारको क्रममा पीसीआर परिक्षण गर्दा उनमा असोज १२ गते पीसीआर ‘पोजिटिभ’ देखिएका थियो । सुरुमा होम आइसोलेसनमा बसे पनि स्वास्थ्यमा थप समस्या भएपछि उनलाई १४ गते अस्पताल भर्ना गरी भेन्टिलेटरमा राखिएको थियो । 
उनमा श्वासप्रश्वाससम्बन्धी समस्या देखिएको थियो।