रौतहटका एक युवकको भारतमा गोली हानी हत्या

रौतहट । रौतहटका एक युवकको सीमावर्ती भारतीय क्षेत्रमा हत्या भएको छ । प्रहरीका अनुसार रौतहटको इशनाथ नगरपालिका–७ का ३५ वर्षीय दिनदयाल साहको गोली हानी हत्या भएको हो ।

जिल्ला प्रहरी कार्यालय रौतहटका प्रवक्ता डीएसपी भरत श्रेष्ठका अनुसार, सीमावर्ती भारत बिहार घोडाशहन क्षेत्रमा साहको कन्चटमा गोली हानी हत्या भएको हो ।

मृतकको शव भारत मोतिहारी अस्पतालमा पोष्टमार्टमका लागि भारतीय प्रहरीको सहयोगमा लगिएको छ । प्रहरीका अनुसार, हत्याको कारण भन्ने खुल्न सकेको छैन । भारतीय क्षेत्रमा नेपाली नागरिकको हत्याबारे सत्यतथ्य छानबिन गरी दोषीलाई कारबाही गर्न पीडित परिवारले माग गरेका छन् ।