अमेरिकामा समुद्री तुफानका कारण ४ जनाको मृत्यु, ५ लाख भन्दा बढी घरको विद्युत अवरुद्ध

एजेन्सी । संयुक्त राज्य अमेरिकामा समुद्री तुफानका कारण चारजनाको मृत्यु भएको छ । लुइजियाना राज्यमा समुद्री तुफान ‘लोरा’ का कारण तीव्र गतिको हावा चलेर रुख ढल्दा ति व्यक्तिको मृत्यु भएको हो । 

प्रतिघण्टा २४० किलोमिटरको गतिमा चलेको लोरा हावाका कारण ४ जनाको मृत्युसंगै धेरै क्षति भएको बीबीसीले उल्लेख गरेको छ । समुद्र तुफानका कारण पाँच लाख भन्दा बढी घरमा बिजुलीको आपूर्ति बन्द भएको छ भने औद्योगिक क्षेत्रमा रासायनिक पदार्थका कारण आगलागी भएको अमेरिकी सञ्चारमाध्यमहरुले उल्लेख गरेका छन् । 

हाल लोरा तुफानलाई ट्रपिकल स्ट्रोम ग्याटगोरीमा झारिएको छ। सो तुफान अर्कान्सास राज्य तर्फ गएको छ। राष्ट्रपति डोनाल्ड ट्रम्पलाई अवस्थाबारे संघीय आपतकालीन व्यवस्थापन एजेन्सी )फिमा) ले ब्रिफिङ्ग गरेको छ । उनले सप्ताहन्तमा प्रभावित क्षेत्रमा जाने बताएका छन्।

लोरा तथा मार्को नाम गरेको तुफान क्यारबियन क्षेत्र भएर अमेरिका प्रवेश गरेको हो। क्यारबियन क्षेत्रमा ती तुफानका कारण २४ जनाको ज्यान गएको थियो।