लिदी पहिरो : थप ४ जनाको शव भेटियो, मृतकको संख्या २९ पुग्यो

सिन्धुपाल्चोक । सिन्धुपाल्चोकको लिदीमा गएको पहिरोमा थप ४ जनाको शव भेटिएको छ । यसँगै सो पहिरोमा परि मृत्यु हुनेको सङ्ख्या २९ पुगेको छ ।

इलाका प्रहरी कार्यालय जलवीरेका प्रहरी निरीक्षक हरि भट्टराईका अनुसार आज १८ वर्षीया ललिता दोङ, ४२ वर्षीया बिबीरानी दोङ,  पाँच वर्षीय सानुकान्छा दोङ र ४४ वर्षीय हीराबहादुर दोङको शव भेटिएको हो ।

पहिरोमा अझै १० बेपत्ता जना रहेका छन् । उनीहरुको नेपाली सेना, नेपाल प्रहरी र सशस्त्र प्रहरी बलद्वारा खोजी गरिरहेको छ । जुगल गाउँपालिका वडा नं २ लिदीमा शुक्रबार पहिरो गएको थियो ।