ओली, प्रचण्ड र देउवाबीच बालुवाटारमा भेटवार्ता सुरु

काठमाडौं । प्रधानमन्त्री एवं नेपाल कम्युनिष्ट पार्टी (नेकपा) का अध्यक्ष केपी शर्मा ओली, अर्का अध्यक्ष पुष्मकमल दाहाल ‘प्रचण्ड’ र नेपाली कांग्रेसका सभापति शेरबहादुर देउवाबीच बालुवाटारमा भेटवार्ता सुरु भएको छ ।

नेकपाको सचिवालय बैठक सकिएपछि उनीहरुबीच भेटवार्ता सुरु भएको हो । नेकपा सचिवालय बैठक सकिएसँगै देउवा बालुवाटार पुगेका हुन् । बालुवाटारमा जारी छलफलमा ओलीसहित अर्का कार्यकारी अध्यक्ष प्रचण्ड, नेता सुवास नेम्वाङ र काँग्रेस नेता रमेश लेखकको पनि सहभागीता रहेको छ । 

देउवा संवैधानिक आयोगमा नियुक्तिका साथै समसामयिक विषयमा छलफलका लागि बालुवाटार पुगेका देउवाका सहयोगी भानु देउवाले बताए । 

संविधान बनेको ५ वर्ष हुनै लाग्दा पनि १३ संवैधानिक आयोगमध्ये १० वटामा ३९ पद रिक्त रहेको अवस्था छ । मधेसी, थारू र मुस्लिम आयोगमा अध्यक्ष मात्र नियुक्त गरिएको छ ।