नारायणी नदीले सतर्कता तह पार गर्‍यो, सचेत रहन आग्रह

चितवन । नारायणी नदीको बाढीले सतर्कताको तह पार गरेको छ । आज शनिबार बिहानैदेखि नारायणी नदीमा पानीको बहाब बढ्दै गएको छ । विगत केही दिनदेखि पहाडी जिल्लामा वर्षाभएसँगै नारायणी नदीको जलस्तर बढेको हो ।

आज बिहान ८ः५५ बजे देवघाटमा नदीको सतह ७।६ मिटर पुगेको छ । नारायणी नदी देवघाटमा ७।३ मिटर पुग्दा सतर्कताको तहमा पुगेको मानिन्छ । यस्तै उक्त ठाउँमा नदीको सतह ८ मिटर पुग्दा खतरा मानिन्छ । यस्तै नारायणगढ क्षेत्रमा पानीको सतह ११।४ मिटर पुगेको छ । यस क्षेत्रमा ११ मिटर सतहलाई सतर्कता तह मानिएको छ ।

जलसतहले सतर्कताको तह पार गरेकोले चितवन र नवलपरासीको नदी तटीय क्षेत्रमा बसोबास गर्नेहरुलाई उच्च सतर्कता अपनाउन चितवन जिल्ला प्रशासनले आग्रह गरेको छ ।

नदीको सतह बढ्दो क्रममा रहेकाले नदी किनारमा माछा, मार्ने, दाउरा टिप्ने जस्ता कार्य नगर्न प्रशासनले भनेको छ । नदीको सतह बढेसँगै नदी किनारमा हेर्ने, सेल्फी फोटो÷भिडियो खिच्ने जस्ता कार्य गर्दा समेत होसियारी अपनाउन प्रशासनले आग्रह गरेको छ ।