खानेपानी संस्थान बुटवलका प्रमुख साह घुससहित पक्राउ

सफल खबर संवाददाता

सोमबार, २६ साउन २०७७, ०९ : ४१
खानेपानी संस्थान बुटवलका प्रमुख साह घुससहित पक्राउ

बुटवल । नेपाल खानेपानी संस्थानको बुटवलस्थित कार्यालयका प्रमुख  इन्जिनियर सन्तोष साह घुुससहित पक्राउ परेका छन् । खानेपानी शाखा कार्यालयहरुका विभिन्न व्यक्तिहरुबाट घुस रकम उठाएर काठमाडौंतर्फ जाँदै गरेको भन्ने सूचनाका आधारमा अख्तियार दुरुपयोग अनुसन्धान आयोग टंगालबाट खटिएको टोलीले साहलाई नियन्त्रणमा लिएको हो । 

संस्थानको लु १ ञ ९५ नम्बरको गाडीमा बुटवलबाट ठमाडौं आउँदै गर्दा धादिङको धुनिवेसी नगरपालिका वडा नम्बर ८ स्थित खानीखोलाबाट उनी पक्राउ परेका हुन् ।  

गाडी चेक जाँच गर्ने क्रममा निजको साथबाट श्रोत नखुलेको नगद रकम दुई लाख तेत्तीस हजार पाँच सय र  बैंकमा जम्मा गरेको बैंक भौचर  आठ लाख बाइस हजार बराबरको रकम फेला परेको र लगत्तै नियन्त्रणमा लिई अनुसन्धान भइरहेको अख्तियार प्रवक्ता तारानाथ अधिकारीले जानकारी दिए ।

प्रतिक्रिया दिनुहोस