जंगली हात्तीको आक्रमणबाट झापामा एक जनाको मृत्यु

झापा । जंगली हात्तीको आक्रमणबाट झापामा एक जनाको मृत्यु भएको छ । मृत्यु हुनेमा कमल गाउँपालिका–५ टुक्रेस्थित नयाँ बस्तीका ५८ वर्षीय रोहित रेग्मी रहेको प्रहरीले जनाएको छ । 

छिमेकी जिल्ला इलामको चुलाचुलीस्थित जंगल क्षेत्रबाट आएको हात्तीले शुक्रबार बिहान ४ बजेतिर रेग्मीलाई कुल्चिएर मारेको इलाका प्रहरी कार्यालय दमकले जनाएको छ । रेग्मीको घटनास्थलमै मृत्यु भएको थियो । हात्तीले उनको टिनको छाना र बाँसको टाटीबेरा भएको घरसमेत भत्काएको छ ।