काठमाडौं । रुकुमपूर्व जिल्लामा लागु औषध अफिमसहित तीन जना पक्राउ परेका छन् । नौ किलो १०० ग्राम अफिमसहित पुथाउत्तरगंगा गाउँपालिकाका एक पुरुष र दुई महिलालाई प्रहरीले पक्राउ गरेको हो ।
पक्राउ पर्नेहरुमा पुथा उत्तरगङ्गा गाउँपालिका–१ मैकोटका ४० वर्षीय अमरजित पुन, सोही ठाउँकी ३४ वर्षीया प्रतिभा पुन र वडा नं ५ हुकामकी ३५ वर्षीया गाइने कामी रहेको जिल्ला प्रहरी कार्यालय रुकुमपूर्वका प्रहरी नायब उपरीक्षक गजुसिद्धी बज्राचार्यले बताउनुभयो ।
अफिम ओसारपसार हुँदैछ भन्ने गोप्य सूचनाको आधारमा जिल्ला प्रहरी कार्यालयबाट प्रहरी निरीक्षक दिनेश गुरुङको नेतृत्वमा खटिएको प्रहरी टोलीले अफिमसहित उनीहरुलाई पक्राउ गरेको हो । पुथाउत्तरगङ्गा गाउँपालिका–१२ ओखमा भल्का नयाँ बजारदेखि जामाबगर जाने कच्ची सडकबाट ९ गते साँझ उनीहरुलाई पक्राउ गरिएको आज पत्रकार सम्मेलन गरी प्रहरीले जानकारी दिएको छ ।
यस्तै उनीहरुको साथबाट अवैध लागु औषध नापतौल गर्न प्रयोग हुने एक थान डिजिटल तराजुसमेत बरामद गरिएको प्रनाउ बज्राचार्यले बताउनुभयो । उनीहरुमाथि थप अनुसन्धान भइरहेको प्रहरीले जनाएको छ ।
पछिल्लो चरणमा सरकारी सवारी साधनमासमेत लागु औषध ओसारपसार भइरहेको जानकारी प्रहरीमा आएको भन्दै त्यसमाथि पनि शुक्ष्म निगरानी राखिरहेको उहाँकोको भनाइ छ । लागु औषधको ओसारपसारमा संलग्न हुने जुनसुकैलाई पनि प्रहरीले कारवाही गर्ने भन्दै त्यस्ता क्रियाकलापमा संलग्न नहुन प्रहरीले आग्रह गरेको छ ।
प्रतिक्रिया दिनुहोस
रासस
आइतबार, ११ साउन २०७७, २० : ५१
लेखकबाट थप
सम्बन्धित समाचारहरु
गुल्मीमा डढेलो लगाएको आरोपमा २ जना पक्राउ
विदेश पठाइदिने बहानामा ४२२ जनालाई ठगी गर्ने गिरोहका सदस्यहरू पक्राउ
वैदेशिक रोजगारीका नाममा ठगी, २ जना पक्राउ
सीआईबीद्वारा दुई जना पक्राउ
स्रोत नखुलेको नेपाली रुपैयाँसहित एक जना पक्राउ
दुई सय १६ किलो गाँजासहित दुई जना पक्राउ