काठमाडौँ । बुधबार साँझदेखि नै महोत्तरी जिल्लामा मुसलेधार पानी परेपछि जिल्लाको आधा दर्जनभन्दा बढी नदी खोलामा बाढी आएको छ ।
लगातारको भीषण वर्षासँगै जिल्लाको रातो, विग्ही, जंघा, अंकुशी, भब्सी, गेरुकी, कुटमेश्वरी, ढोलन र मरहालगायतका नदीमा बाढी आएको स्थानीयवासीले बताएका छन् । बाढीका कारण जिल्लाका अधिकाँश गाउँमा बाढीको पानी पस्ने जोखिम बढेको छ ।
बाढीका कारण नदी छेउछाउका २४ भन्दा बढी गाउँका बासिन्दाहरु त्रसित भएका छन् भने उनीहरु बाढीको बेला हुनसक्ने क्षति विरुद्ध सतर्कता अपनाउनमा जुटेका छन् । वर्षायाममा महोत्तरीको धेरै जसो भाग डुबानमा पर्ने गरेको तथा बाढीले सयौँलाई विस्थापित बनाउँदै आएको कुरालाई मध्य नजर गर्दै स्थानीयवासीले नदीहरुमा आएको बाढीलाई देखेर सुरक्षा व्यवस्थाको जोहो गर्न थालेका छन् ।
बाढीबाट हुने जोखिम न्यूनीकरणका लागि जिल्ला प्रशासन कार्यालय, सुरक्षा निकाय र जिल्ला दैवी प्रकोप उद्धार समितिलगायत सम्बन्धित निकाय तयारी अवस्था रहेको जनाइएको छ ।
प्रतिक्रिया दिनुहोस
रासस
शुक्रबार, २६ असार २०७७, २१ : २२
लेखकबाट थप
सम्बन्धित समाचारहरु
इन्डोनेसियामा बाढी पहिरोमा परी १९ जनाको मृत्यु
सोमालियामा बाढीका कारण सय जनाको मृत्यु
सोमालियामा बाढीबाट १०० को मृत्यु
तीन महिनामा बाढी र पहिरोमा परी पाँच जनाको मृत्यु
सम्पर्कमा आए सिक्किम बाढीपछि बेपत्ता ५ नेपाली, परिवारमा छायो खुसी
सिक्किममा बाढी : मृत्यु हुनेको संख्या १८ पुग्यो, २२ सेनासहित ९८ जना अझै भेटिएनन्