खहरे खोलाले बगाउँदा २ युवकको मृत्यु

– नारायण शर्मा
नवलपरासी । खहरे खोलाले बगाएर २ युवकको ज्यान गएको छ । शुक्रवार दिउसो बर्दघाट नगरपालिका वडा नम्बर १५ का २० वर्षका सुधिर बिक र १८ वर्षका प्रबिण बिकको खोलामा माछा मार्न जाँदा बगाएर मृत्यु भएको हो । 

जिल्ला प्रहरी कार्यालयका अनुसार घर नजिकैको बनकटिस्थित खहरे खोलामा माछा मार्न जाँदा बगेका प्रबिण बिकलाई बचाउन जादा सुधिर बिकको समेत ज्यान गएको हो । 

उनीहरुसँगै गएका छिमेकी सोहन कुमान सुनारले आफ्ना दुबै साथि बगेपछि गाउमा खबर गरेका थिए । आज दिउँसो १२ बजे दुबै जनाको शब निकालिएको प्रहरीले जनायो ।