मेलम्ची । मेलम्ची खानेपानी आयोजनाले पानीको मुहानभन्दा तल्लो तटीय क्षेत्रका स्थानीयलाई खोलामा नजान उर्दी जारी गरेको छ ।
आयोजनाको केन्द्रीय कार्यालयले एक सूचना जारी गर्दै आइतबारदेखि मेलम्ची खोलाको पानी सुरुङतर्फ पठाएर परीक्षण शुरु गरिएकाले तल्लो क्षेत्रमा जुनसुकै बेला पानीको बहाव घटबढ हुनसक्ने भन्दै उर्दी जारी गरेको हो ।
परीक्षणका क्रममा नदीमा पानीको बहाव घटबढ हुनसक्ने भन्दै आयोजनाले नदीमा पौडी नखेल्न, माछा नमार्न र बस्तुभाउ लिएर जाँदा विशेष सावधानी अपनाउन स्थानीयलाई आग्रह गरेको छ ।
आयोजनाले सुरुङको प्रवेश मार्ग रहेका अम्बाथान, ग्याल्थुम र सिन्धुबाट समेत कुनै पनि समयमा पानी छाड्न सकिने भएकाले त्यस क्षेत्रका खोलानालामा जाँदा विशेष सावधानी अपनाउन भनिएको छ । साथै आफ्नो घर वरपरको क्षेत्रमा नयाँ मूलबाट पानी निस्किएको देखिएमा तुरुन्तै आयोजनालाई खबर पनि भनिएको छ ।
प्रतिक्रिया दिनुहोस
रासस
सोमबार, २२ असार २०७७, १३ : १२
लेखकबाट थप
सम्बन्धित समाचारहरु
काठमाडौँमा मेलम्चीको पानी पुनः वितरण सुरु, धाराको पानी खाएर प्रधानमन्त्रीले गरे शुभारम्भ
मेलम्ची खानेपानी मर्मतको काम अन्तिम चरणमा
मेलम्चीको पानी हामीले कहिले खान पाउने भन्दै नेविसंघको प्रदर्शन
२८ दिनभित्र मेलम्चीको पानी पुन: काठमाडौं ल्याउने समितिको दाबी
मेलम्ची नदीमा आएको बाढीले बगायो अस्थायी पुल र सडक
मेलम्चीको पानी उपत्यकामा पुनः वितरणबारे अझै अन्योल