काठमाडौं । सशस्त्र प्रहरी बल नेपालले एक सय १४ वटा स्थानमा बोर्डर आउट पोष्ट (बीओपी) स्थापना गर्ने भएको छ । तीमध्ये नेपाल–भारत–चीन त्रिदेशीय सीमामा रहेको दार्चुलाको छाङरुसहित २५ स्थानमा बीओपी स्थापना भइसकेका छन् ।
थप ८९ वटा स्थानमा बीओपी राख्न सशस्त्र प्रहरीले तयारी गरिरहेको छ । तीमध्ये कतिपय ठाउँमा जग्गाको पनि टुंगो लागिसकेको छ भने केही स्थानमा भाडाको घरमा सशस्त्र प्रहरीले फौज राख्दैछ । चितवनको माडीमा पनि तीन ठाउँमा सशस्त्रको बिओपी रहने भएको छ । चितवनको माडी ६, माडी ९ र माडी १ मा सशस्त्रको बिओपी राखिने छ ।
गृह मन्त्रालयका अनुसार उत्तरी सीमामा ताप्लेजुङको ओलाङ्चुङगोलामा बीओपी राख्ने तयारी भइरहेको छ । हालै सशस्त्रले चीनतिर हुम्लाको हिल्सा नाकामा पनि बीओपी स्थापना गरिसकेको छ । त्यसअघि सशस्त्र प्रहरीले एक सय ७ स्थापनामा बीओपी राखिसकेको थियो । गृहमन्त्री रामबहादुर थापा ‘बादल’ ले सशस्त्र प्रहरीलाई थप ५ सय वटा बीओपी राख्ने गरी खाका पेश गर्न भनेका थिए ।
प्रतिक्रिया दिनुहोस
सम्बन्धित समाचारहरु
सशस्त्रका एसएसपी अधिकारी डीआइजीमा बढुवाका लागि सिफारिस
सशस्त्रका ३ अधिकृतलाई आईजी एपीएफ कमेन्डेसन
पशुपति मन्दिरमा सशस्त्रको स्वास्थ्य सेवा
सशस्त्र प्रहरीको प्राविधिक समूहमा दरखास्त आह्वान
सशस्त्रका डीएसपी तुलसिंह केसी २५ हजार धरौटीमा रिहा
कास्कीमा भिरबाट खसेकी जर्मन नागरिकको शव सशस्त्रले निकाल्यो