संविधान संशोधनको विषयमा सिंगो संसद एकजुट भएकोमा  धन्यवाद : प्रधानमन्त्री ओली

काठमाडौँ । प्रधानमन्त्री केपी शर्मा ओलीले संविधान संशोधनको विषयमा सिंगो संसद एकजुट भएकोमा धन्यवाद ज्ञापन गरेका छन् । उनले त्यो सभालाई असाधारण राष्ट्रिय एकता कायम भएको उल्लेख गरेका छन् । 

आज प्रतिनिधि सभाको बैठकमा बोल्दै उनले राष्ट्रिय स्वाधिनता, कोभिड १९ वा राष्टिय संकटका बेलामा राष्ट्रका सामु आएका साझा चुनौती समाना गर्न हाम्रो संसद जिम्मेवार र एकतावद्ध रहेको बताए । हिजोको घटनाले राष्ट्रिय संकटमा सबै एकजुट हुने सन्देश दिएको टिप्पणी गरे ।  उनले संसदभन्दा बाहिर पनि राष्ट्रिय एकता कायम भएकोमा बौद्धिक वर्ग, संघसंस्थाहरु लगायतलाई आभार प्रकट गरे । 

हाम्रा पुर्खाले लडेर यो देश बचाएका हुन्,आज हामी अडेर मात्र पनि राष्ट्रिय स्वाभिमान कायम गर्न सक्ने भन्दै प्रतिनिधिसभामा भएको राष्ट्रिय एकता सह्र्रानीय भएको उल्लेख गरे ।  

उनले संसदमा पिसिआर परिक्षणको कुरा उठेको र पिसिआर परिक्षण नै नभएको सन्दर्भ प्रति लक्षित गर्दै परिक्षण किन नभएको करिब दैनिक ५ हजार परिक्षण भएको बताए । दिनमा दर्शौ हजार मान्छ भित्रिएको बेला परिक्षण सामग्री पनि नपाउनु ठुलो समस्या रहेको औंल्याए ।