कोरोना संक्रमण बढेको भन्दै दक्षिण कोरियामा खुलेका विद्यालय पुनः बन्द

एजेन्सी । कोरोना भाइरसको संक्रमण दक्षिण कोरियामा पुनः बढ्न थालेपछि खुलेका विद्यालयहरु फेरि बन्द गरिएका छन् । संक्रमण नियन्त्रणमा आउन लागेको भन्दै त्यहाँको सरकारले  केही दिनअघि  विद्यालयहरु खुला गरिएका थिए ।

तर पछिल्लो केही समय यता संक्रमण पुनः बढ्ने क्रम देखिएपछि २ सय ५० भन्दा बढी विद्यालयहरु बन्द गरिएका छन् । पछिल्लो २४ घण्टामा दक्षिण कोरियामा ५६ जनामाकोरोनाभाइरसको संक्रमण पुष्टि भएको छ ।

एक दिनअघि अर्थात बुधबार पछिल्लो दुई महिनायताकै सबैभन्दा धेरै ७९ जनामा संक्रमण पुष्टि भएको थियो । पछिल्ला दिनमा जनघनत्व बढी भएका क्षेत्रमा संक्रमण देखिएकाले चासो बढेको हो। अधिकांश संक्रमितको सम्बन्ध सिओलको पश्चिममा रहेको एक वितरण केन्द्रसँग जोडिएको छ ।