क्वारेन्टिनमा रहेका एक वृद्धको मृत्यु

धम्बोझी । बर्दियाको गुलरिया नगरपालिकाको क्वारेन्टिनमा रहेका एक वृद्धको आज मृत्यु भएको छ । 

गुलरिया– ४ स्थित बबई क्याम्पसको क्वारेन्टिनमा बसेका वडा नं ९ गोडियनपुर  का  ५५ वर्र्षीय जोधि गोडियाको बिहान मृत्यु भएको हो । 

प्रमुख जिल्ला अधिकारी प्रेमलाल लामिछानेका अनुसार ज्याला मजदूरीका लागि अछाम गएका उनलाई तीन दिन पैदल हिँडेर मङ्गलबार घर फर्कने क्रममा क्वारेन्टिनमा राखिएको थियो ।  

उनीसँगै फर्किएका १६ जनालाई क्वारेन्टिनमा राखिएको छ ।  उनलाई कोरोना भएनभएको थाहा पाउन स्वाब परीक्षणको रिपोर्ट आउन बाँकी रहेको छ ।