सरकार लोकतन्त्रलाई सुदृढ र विकास गर्न प्रतिवद्धत : राष्ट्रपति

काठमाडौँ । राष्ट्रपति विद्यादेवी भण्डारीले वर्तमान सरकारले जनताको आकांक्षा र आवश्यकतालाई सम्वोधन गर्दै जनभावना अनुरुप लोकतन्त्रलाई सुदृढ र विकास गर्न प्रतिवद्धत भएको बताएकी छन् ।

शुक्रबार संसदमा नीति तथा कार्यक्रम प्रस्तुत गर्ने क्रममा उनले नेपालको लोकतन्त्रले राजनीतिक अधिकार, स्वतन्त्रता र अवसरमा पहुँच, सामाजिक न्याय र समानता, भयरहित सुरक्षित जीवन, मर्यादित जीवनलगायत लोकतन्त्रका विशेषतालाई यो सरकारले आत्मसाथ गरेको बताइन् । उनले भनिन,‘जनता नै शक्तिको स्रोत हुन् भन्ने मान्यतालाई सरकारले स्थापित गरेको छ ।’