मुख्यमन्त्री फेरिने संकेत : स्थायी समिति बैठकपछि टुंगो लाग्ने

काठमाडौं । सत्तारुढ दल नेकपाभित्रको विवाद मिलाउने एउटा अस्त्र बन्यो – मुख्यमन्त्री हेरफेरको विषय पनि । प्रधानमन्त्री ओलीले तत्कालिन एमालेभित्रको अन्तरसंर्घषमा वरिष्ठ नेता नेपाल निकट नेताहरुलाई जिम्मेवारीमा विभेदको नीति लिएका थिए । 

पार्टीभित्र लामो योगदान गरेका र सवल र सक्षम रहेका भएपनि ओलीले जिम्मेवारी दिने सवालमा नेपाल पक्षका नेता भएकै आधारमा पेल्ने रणनीति अवलम्बन गरे । अष्टलक्ष्मी शाक्य जस्ता नेतृहरुलाई पन्छाएर डोरमणि पौडेललाई मुख्यमन्त्रीमा अगाडी सारे वाग्मती प्रदेशमा । उता प्रदेश १ मा पनि त्यस्तै गरिएको थियो ।

पार्टीका सचिव रहेका भीम आचार्य जस्ता नेतालाई पन्छाएर शेरधन राईलाई मुख्यमन्त्री बनाएका थिए । गण्डकी प्रदेश र प्रदेश ५ मा त पार्टीका इन्चार्ज देखि मुख्यमन्त्री समेत एकै ब्यक्तिलाई दोहोरो भुमिको महत्वपूर्ण जिम्मेवारी दिन ओली कसैको प्रवाह नगरी लागिपरे । नेता नेपालले यस विषयमा पार्टीभित्र निरन्तर विधान अनुसार एक ब्यक्ति एक मुख्य जिम्मेवारीको विषय निरन्तर उठाईरहे । आफनो पक्षलाई जिम्मेवारीमा विभेद गरेको आरोप लगाउदै नेता नेपालले पार्टीमा नोट अफ डिसेन्ट पनि लेखे ।

तर ओलीको आफनै पार्टीभित्रका आलोचना गर्ने नेताहरुलाई पेल्ने रणनीति धेरै टिकेन । उनी आफैद्धारा सिर्जित समस्या समाधानमा यो पटक निक्कै गल्ने अवस्था सम्म पुगे । कहिले अध्यक्ष प्रचण्ड त कहिले वरिष्ठ नेता नेपाललाई फकाएर आफनो सत्ता जोगाउन ओलीले निक्कै कसरत पनि गरे । पहिले कहिल्यै आफुलाई दोहोरो जिम्मेवारी छ भनेर नठान्ने प्रदेश ५ का मुख्यमन्त्री शंकर पोखरेल समेत ओलीको सत्ता बचाउका लागि काठमाडौंमा नेपाल र प्रचण्डको निवास तारान्तर धाईरहे ।

आफु पद छोडन तयार रहेको उनले सार्वजनिक रुपमै बताए । यसले पनि देखाउँछ ओली आप्mनो सत्ता जोगाउन कतिसम्म लागेका थिए भन्ने । अब नेकपाभित्र शनिबारको सचिवालय बैठकमा ओलीले आत्मआलोचना गर्ने, कमजोरी सकारेर जाने प्रतिवद्धता जनाएपछि उनको ठोस प्रस्तावको पखाईमा छन्, अध्यक्ष प्रचण्ड र वरिष्ठ नेता नेपाल । उनले कमजोरी स्वीकारेपछि नेकपाको २५ वैशाखमा बस्ने सचिवालय बैठकमा अब मुख्यमन्त्री फेरिने गरी कार्ययोजना आउने संकेत देखिएको छ । यसले गर्दा अब प्रदेश १ , वाग्मती प्रदेश मा मुख्यमन्त्री फेरिने प्रवल सम्भावना देखिएको छ । १ मा भीम आचार्य र वाग्मती प्रदेशमा अष्टलक्ष्मी शाक्य मुख्यमन्त्रीका रुपमा आउन सक्ने सम्भावना बढेर गएको नेकपा नेताहरुले बताउन थालेका छन् ।

उता ओलीले मुख्यमन्त्री र पार्टी प्रदेश इन्चार्जसम्मका जिम्मेवारी दिएका गण्डकी प्रदेशका पृथ्वीसुब्बा गुरुङ र शंकर पोखरेलले अब एक पद छोडन पर्ने हुनसक्छ । वरिष्ठ नेता झलनाथ खनालले त्यसको संकेत गरेका छन् । उनले भने, – गण्डकी र प्रदेश ५ का नेताहरुका जिम्मेवारीमा केही फेरबदल हुन सक्छन, मुख्यमन्त्रीहरु पनि हेरफेर हुन सक्छन । तर यो अबको स्थायी समितीमा आउने प्रस्तावका आधारमा तय हुने उनको भनाई थियो ।

ओलीले प्रचण्डसँग सचिवालय बैठक अगाडी मुख्यमन्त्री हेरफेरका विषयमा आफु तयार रहेको पनि बताएका स्रोतहरुले बताएका छ्न  । नेकपाको प्रदेश २ बाहेक अन्य ६ ओटा प्रदेशमा सरकार छ । त्यसमध्ये कर्णाली र सुदुरपश्चिम प्रदेशमा तत्कालिन माओवादीका तर्फबाट र अन्य ४ ओटा प्रदेशमा तत्कालिन एमाले तर्फका नेताहरु मुख्यमन्त्री छन् ।

एमाले तर्फका मुख्यमन्त्रीहरु पनि चार ओटै ओली निकटका नेताहरु छन् । वरिष्ठ र सक्षम नेतालाई पाखा लगाएर प्रधानमन्त्री ओलीले शक्ति र सत्ताको भरमा आफु निकट नेतालाई जर्बजस्त पेलेरै मुख्यमन्त्री बनाएका थिए । अब ओलीले ति स्थानमा कमजोरी स्वीकार्ने छन या छैनन त्यो हेर्न स्थायी समिति बैठक कुर्नुपर्ने अवस्था आएको नेकपाका नेताहरु बताउँछन् ।