उत्तर- दक्षिण कोरियाका सेनाबीच सिमानामा फायरिङ

काठमाडौं । उत्तर र दक्षिण कोरियाको सीमाक्षेत्रमा आइतबार बिहान फायरिङ भएको  छ । दक्षिण कोरियाली न्युज एजेन्सी योनहापका अनुसार उत्तर कोरियाले फायरिङ सुरु गरेको थियो । 

जवाफमा दक्षिण कोरियाले पनि फायरिङ ग¥यो । तीन वर्षपछि उत्तरले सीमा क्षेत्रमा पहिलोपटक फायरिङ गरेको हो । तत्कालीन समय पनि फायरिङपछि दुई देशबीचको सम्बन्ध बिग्रिएको थियो । 
मिडिया रिपोर्टस्अनुसार फायरिङमा दुबैतर्फ कुनै क्षति भएन । उत्तर कोरियाले दक्षिण कोरियाको चियोरवान शहरलाई निशाना बनाएको थियो । यो शहर सीमा क्षेत्रबाट नजिकै पर्छ । 

घटनापछि दक्षिण कोरियाको जोइन्ट चिफ अफ स्टाले विज्ञप्ती जारी गर्दै वार्ताको प्रयास भइरहेको जनाएको छ । ‘हामी इन्टर कोरियन कम्युनिकेशनमार्फत वार्ता गर्दैछौं । यसले तनाव कम गर्न सहयोग गर्छ । हाम्रो सेना कुनै पनि हमलाको जवाफ दिन तयार छ,’ विज्ञप्तीमा भनिएको छ ।