प्रधानमन्त्री ओली र सभामुख सापकोटा बिच भेटवार्ता, संघीय संसदको वर्षे अधिवेशन कहिले बोलाउने विषयमा छलफल

काठमाडौं । प्रधानमन्त्री केपी शर्मा ओली र सभामुख अग्नी प्रसाद सापकोटा बिच आज बिहान भेटघाट भएको छ । प्रधानमन्त्री निवास बालुवाटारमा भएको भेटघाटमा दुवै जना बिच संघीय संसदको बजेट (बर्षे) अधिवेशन कहिले बोलाउने भन्ने विषमा छलफल भएको थियो ।

त्यस्तै  विनियोजन विधेयकका सिद्धान्त र प्राथमिकताको विषय तथा नीति तथा कार्यक्रमको विषयमा पनि छलफल भएको बालुवाटार श्रोतले जानकारी दिएको छ । जेठ १५ गते बजेट ल्याउनु पर्ने भए पनि वैशाख २५ सम्म लक डाउन घोषणा गरेको अवस्थामा संसदबाटै बजेट ल्याउने संभावनाका विषयमा प्रधानमन्त्री र सभामुखबिच कुराकानी भएको बताईएको छ ।