स्वास्थ्य सामग्री ल्याउन सेनाले कुन वे अपनाउँदै छ ?

काठमाडौं । नेपाली सेनालाई स्वास्थ्य सामग्री ल्याउन दिने सरकराको निर्णयले मुलुकमा हलचलै मच्चियो । सरकारले निजी क्षेत्रको पहलमा ल्याएको स्वास्थ्य सामग्री महंगो भएपछि सरकारले सेनालाई जिम्मा दिने निर्णय  अस्वभाविक होईन ।

तर सेनाले यस्ता काम गर्ने की रक्षाको काम गर्ने भनेर प्रश्न उठेको थियो । राजनीतिक वृत्तमा पनि गर्मागर्मी बहस भयो । अन्तत जिम्मा पाएको सेनाले आफ्नो काम जारी राखेको छ । सामाग्री  ल्याउने कामको आवश्यक प्रक्रिया जारी रोखको छ । 

 सेनाले त्यो सामान ल्याउने प्रक्रिया द्रुतगतिमा अगाडि बढिरहेको नेपाली जनाएको छ । सरकारको निर्देशनमा सेनाले चीन र भारतबाट अत्यावश्यक स्वास्थ्य सामग्री खरिदका लागि सरकार–सरकार (जिटुजी) मार्फत ल्याउँदै छ । त्यसरी ल्याउँदा हवाई मार्ग प्रयोग गर्दै छ । नेपाली सेनाका प्रवक्ता विज्ञानदेव पाण्डेले सकेसम्म छिटो सामग्री ल्याउने तयारी गरिएको बताएका छन् । 

कोभिड–१९ क्राइसिस म्यानजेमेन्ट सेन्टर (सिसीएमसी)ले आज छाउनीस्थित नेपाली सेनाको रेञ्जर गणमा पत्रकार समेलन नै आयोजना गर्यो । उनका अनुसार सामान ल्याउन ११ वटा संस्थाले इच्छा देखाएका छन् । यसका लागि रु एक करोड ८४ लाख ४१ हजार भुक्तानी गरिसकिएको छ ।  सेनाले चीनबाट ३४२ टन स्वास्थ्य सामग्री ल्याउने छ । जसमा कूल ६७ प्रकारका स्वास्थ्य सामग्री आउने छ । चाइना साइनोफार्म इन्टरनेशनल कर्पोरेशनसँग सम्झौता भएको पाण्डेले बताए ।  अत्यावश्यक बाहेकका सामग्री सडक मार्गबाट ढुवानीका लागि छलफल भइरहेको नेपाली सेनाले जनाएको छ । 

कोरोनाले विश्वव्यापी महामारीको रूप लिएसँगै प्रभावित मुलुकमा चीनले स्वास्थ्य सामग्री आपूर्ति गरिरहेको छ । प्रवक्ता पाण्डेले महामारीको अवस्थामा चीनबाट स्वास्थ्य सामग्री खरिद गर्ने मुलुकको सूचीमा नेपाल ८१औँ स्थानमा रहे पनि चिनियाँ पक्षले नेपाललाई जतिसक्दो चाँडो आवश्यक सामग्री उपलब्ध गराइदिने तयारी गरेको छ । 

व्यक्तिगत सुरक्षाका सामग्री (पिपिइ), मास्क, कोरोना परीक्षणका लागि आवश्यक कीट लगायत अत्यावश्यक सामग्री हवाई र अन्य सामग्री सडकमार्ग हुँदै ल्याउने तयारी गरिएको छ ।  एक चरणमा भने चिनिया सरकराको सहयोगमा विभिन्न सामग्री भने नेपालमा आइसकेको छ ।