भारतमा कोरोनाको संक्रमण : २३ हजार भन्दा बढी संक्रमित, ७ सय १८ को मृत्यु

एजेन्सी । विश्वव्यापी रुपमा महामारीको रुपमा फैलिएको कोरोना भाइरसका कारण भारतमा संक्रमितको संख्या  २३ हजार ७७ पुगेको छ । भारतिय  अहिलेसम्म ७ सय १८ जनाको मृत्यु भएको छ ।

चार हजार ७ सय ४९ जना उपचारपछि निको भएका छन् । भारतमा संक्रमितको सबैभन्दा धेरै संख्या महाराष्ट्रमा छ । त्यहाँ ६ हजार ४ सय ३० जनामा संक्रमण फैलिएकोमा २ सय ८३ जनाको मृत्यु भइसकेको छ । यस्तै गुजरातमा ११२ जना तथा दिल्लीमा ५० जनाको मृत्यु भएको छ भने मध्य प्रदेशमा ८३ जनाको मृत्यु भएको छ ।

कोरोनाको संक्रमण फैलन नदिन भारत भरि उच्च सतर्कता अपनाईएको छ । देशभरि नै लकडाउन गरिएको छ । तर यसको संक्रमण दिन प्रति दिन फैलिदैं गएको छ । भारतका केही प्रान्तहरुमा लकडाउन उल्लघंन गर्ने क्रम बढेपछि प्रहरीले कारवाही प्रक्रिया तिब्र भनाएको छ । भारतमा पछिल्लो पटक १९ दिनको लकडाउन थपिएको थियो ।