भारतमा कोरोना संक्रमितको संख्या २० हजारभन्दा बढी

एजेन्सी । छिमेकी मुलुक भारतमा कोरोना भाइरस (कोभिड १९) संक्रमितको संख्या बढेसँगै नेपालमा पनि जोखिम बढिरहेको छ । भारतमा कोरोना संक्रमितको संख्या २० हजारभन्दा बढी पुगेको छ ।

हिजो बुधबार एकै दिन १४ सय ८६ जनामा कोरोना भाइरसको संक्रमण पुष्टि भएसँगै भारतमा कुल संक्रमितको संख्या २० हजारभन्दा बढी पुगेको हो ।

स्वास्थ्य तथा परिवार कल्याण मन्त्रालयले जनाए अनुसार  गएको सोमबार एकै दिन १५ सय भन्दा बढीमा नयाँ संक्रमण पुष्टि भएको थियो । बुधबार थप ४९ जनाको कोभिड–१९ बाट मृत्यु भएसँगै भारतमा ज्यान गुमाउनेको कुल संख्या ६८१ पुगेको छ ।