चितवन । भरतपुर अस्पताल विकास समितिका पूर्व अध्यक्ष राजकुमार राजभण्डारीले भरतपुर अस्पताललाई आज एक सय थान एन ९५ माक्स प्रदान गर्नु भएको छ ।
उहाँले अस्पताल विकास समितिका अध्यक्ष डा. भोजराज अधिकारीको रोहोबरमा मेडिकल सुपरिटेण्डेन्ट डा. श्रीराम तिवारीलाई माक्स हस्तान्तरण गर्नु भएको हो । अस्पतालका चिकित्सक, स्वास्थ्यकर्मी र कर्मचारीलाई उपचारमा सुरक्षित हुन सहयोग पुगोस भन्ने उद्देश्यले आफूले सहयोग गरेको राजभण्डारीले बताउनुभयो ।
माक्स ग्रहण गर्दै अस्पतालका मेडीकल सुपरिटेण्डेन्ट डा. तिवारीले सबैको सहयोग र शुभेच्छाले स्वास्थ्यकर्मीहरुमा मनोवल बढ्दै गएको बताउनु भयो । यस्ता सहयोगले कोरोना संक्रमित बिरामीहरुको उपचारका लागि ठूलो सहयोग पुग्ने उहाँको भनाई थियो ।
यस अघि राजभण्डारी अध्यक्ष हुँदा अस्पताल विकासमा उहाँले उल्लेखनीय भूमिका निर्वाह गर्नु भएको थियो ।
प्रतिक्रिया दिनुहोस
सम्बन्धित समाचारहरु
बाजुराको आगलागी पीडितलाई प्रदेश सरकारको ४० लाख राहत सहयोग
पत्रकार रजकका परिवारलाई ५० हजार सहयोग
प्रवासी नेपालीद्वारा म्याग्दीको दुई विद्यालयलाई कम्युटर सहयोग
बम विस्फोटमा ज्यान गुमाएकाहरूका परिवारलाई आर्थिक सहयोग
बाढीपीडितलाई माओवादी निकट कर्मचारी महासङ्घको सात लाख ७७ हजार सहयोग
तेजरत्न आँखा उपचार केन्द्रलाई २० लाख सहयोग