रोनाल्डोसँगै चारवर्ष फुटबल खेलेका काकाले रोनाल्डोभन्दा मेस्सी उत्कृष्ट भनेपछि...

आइतबार, २३ चैत्र २०७६, १४ : ०६
रोनाल्डोसँगै चारवर्ष फुटबल खेलेका काकाले रोनाल्डोभन्दा मेस्सी उत्कृष्ट भनेपछि...

एजेन्सी । अर्जेन्टिीनी स्टार लियोनल मेस्सी र पोर्चगलका स्टार क्रिस्टियानो रोनाल्डोबीच को ठूलो भन्ने चर्चा विश्व फुटबलमा दैनिक जसो चल्छ । कतिपयले मेस्सी त कतिपयले रोनाल्डोको उत्कृष्ट भन्दै आएका छन् ।

CG Developers Tansen Cement box

रोनाल्डोसँग चारबर्ष रियल म्याड्रिडबाट सँगै खेलेमा ब्राजिलियन स्टार रिकार्डो काकाले भने मेस्सीको नाम लिएका छन् । फिफाको इन्स्टाग्रामबाट प्रत्यक्ष प्रशारणमा मेस्सी र रोनाल्डोमा को उत्कृष्ट भनेर सोधिएको प्रश्नमा काकाले मेस्सी रोजेका हुन् ।

काकाले सन् २०१० दखि २०१३ सम्म रियलमा सँगै रोनाल्डोसँग ब्यवसायिक फुटबल खेलेका थिए । तरपनि काकाले मेस्सीकै पक्ष लिएर आश्चर्य बनाएका छन् । ‘मैले रोनाल्डोसँगै धेरै फुटबल खेलेको छु । रोनाल्डो उत्कृष्ट खेलाडी हुन् । तर रोज्नै पर्दा म मेस्सी रोज्छु । मलाई मेस्सी निकै मन पर्छ,’ काकाले भने । उनले मेस्सी प्रतिभावान र अविश्वसनीय खेलाडी भएको पनि बताए ।

काकाले रोनाल्डोलाई भने एक मेसिनको रुपमा चित्रण गरेका छन् । ‘रोनाल्डो एउटा मेसिन हो । जो छिटो, छरितो र शक्तिशाली छ । कहिल्यै हार नचाहाने स्वभावका रोनाल्डो शारीरिक र मानसिक रुपमा पनि अब्बल छन्,’ काकाले भने । काकाले आधुनिक फुटबलमा मेस्सी र रोनाल्डोलाई एकै साथ पाउनु खुशीको क्षण भएको पनि बताए ।

फिफाको प्रतिष्ठित बालोल डी’ओर अवार्डको पछिल्लो १२औं संस्करणमा ६ पटक मेस्सी र पाँच पटक रोनाल्डोले नाम लेखाए । जसमा सन् २००७ को अवार्ड उनै ३७ बर्षीय काकाले कब्जा गरेका थिए । काकाले उक्त अवार्ड जित्दा रोनाल्डो मेस्सीलाई नै पछि पारेका थिए ।