रुपन्देहीमा टिप्परले मोटरसाईकलाई ठक्कर दिँदा एक जनाको मृत्यु

बुटवल । रुपन्देहीमा टिप्परले मोटरसाईलकलाई ठक्कर दिदाँ एक जनाको मृत्यु भएको छ ।

लुम्बिनी हुकाली सडक खण्डमा पर्ने रुपन्देहीको मायादेवी गाउँपालिका वार्ड नम्बर ४ वनकसीयामा  आज दिउँसो भैरहवाबाट लुम्बिनी जाँदै गरेको लु १ ख ३३ १४ नम्बरको टिप्परले सोही दिशातर्फ  जादै गरेको लु २ प १८७९ नम्बरको मोटरसाईललाई  ठक्कर दिदाँ मोटर साईकल चालकको मृत्यु भएको छ । 

जिल्ला प्रहरी कार्यालय रुपन्देहीका अनुसार मृत्यु हुनेमा मायादेवी गाउँपालिका वार्ड नम्बर२   भिलरहवा बस्ने ६० बर्षका रमेश लोभ रहेका छन् । उनको घटनास्थलमा नै मृत्यु भएको प्रहरीले जनाएको छ । घटनामा ठक्कर दिने टिप्पर प्रहरी नियन्त्रणमा रहेपनि चालक भने फरार रहेका छन् ।