भरतपुर कारागारका एक कैदीको मृत्यु

चितवन । भरतपुर कारागरका एक कैदिको मृत्यु भएको छ । भारत सिदार्थनगरका ६२ वर्षीय जफर अहमद्को मृत्यु भएको कारागार प्रमुख कमल प्रसाद काफ्लेले बताए । 

क्यान्सर पीडित जफरको गएराति साढे १२ बजे मृत्यु भएको हो । उनी उपचारका लागि काठमाडौंबाट कार्तिक ९ गते भरतपुर आएका थिए । 

उनलाई मानव बेचबिखनको आरोपमा १० वर्ष कैद र ५० हजार जरिवाना सजाय तोकिएको थियो । २०७३ साउन १५ गते पक्राउ परेका उनी २०८७ साउन १५ गत्ते सजाय भुक्तान गरी छुट्ने थिए ।