चितवन । भरतपुर महानगरपालिकाका मेयर रेनु दाहालले भरतपुर सबै क्षेत्रमा फड्को मारिरहेपनि स्वास्थ्यसंगै शिक्षा क्षेत्रलाई मुख्य हबको रुपमा विकास गर्ने बताउनुभएको छ । आज चितवनको नेपाल पुलिस स्कूल शान्तिपुरको प्रथम वार्षिकोत्सबको उदघाटन गर्दै उहाँले स्थानिय स्तरमा सामुदायिक विद्यालयको विश्वसनियता माथि प्रश्नचिन्ह उठ्न गरेकाले सामुदायिक विद्यालयको वातावरण विश्वसनिय बनाउन आग्रह गर्नुभयो । उहाँले स्थानीय स्तरमा सबैले पढ्न पाउने गरि योजना तयार गर्न विद्यालयलाई सुझाव दिनुभयो ।
विद्यालयहरुको इतिहास स्मरण गर्दै मेयर दाहालले सबैको पहुंच पुग्ने गरि छिट्टै खुल्ला विश्वविद्यालय बनाउने गरी तयारी भइरहेको उल्लेख गर्नुभयो । भरतपुर क्षेत्रलाई शैक्षिक हवको रूपमा विकास गर्ने गरी काम अघि बढेकोले सबैले यसमा सहयोग गर्नुपर्ने उहाँले भनाई थियो । जनचाहना अनुसार काम भइरहेको भन्दै मेयर दाहालले अबको दुई वर्षमा भरतपुरको मुहार नै फेरिने दावी गर्नुभयो । कार्यक्रममा यसअघिका विद्यालयका पूर्वअध्यक्षहरु हरिश्चन्द्र दाहाल, चेतनाथ न्यौपाने, धर्मनाथ न्यौपाने, हरि प्रसाद आचार्य लगायतलाई सम्मान गरिएको थियो ।
कार्यक्रममा मन्तव्य राख्दै पूर्वअध्यक्ष हरिश्चन्द्र दाहालले विद्यालयमा सबै जनताको पहुँच कायम गर्न अक्षयकोष स्थापना गर्नपर्नेमा जोड दिए । उनले विद्यालयमा सबैको पहुँच पुग्ने गरि पढ्ने वातावरण बनाउन अक्षय कोषको आवश्यकता रहेकाले त्यस तर्फ विद्यालयले ध्यान दिन आग्रह गरे । वार्षिकोत्स तथा अभिभावक दिवश कार्यक्रममा विद्यार्थीहरूले नृत्यसहित विभिन्न मनोरञ्जनात्मक प्रस्तुतिहरु प्रदर्शन गरेका थिए । सोही अवसरमा विद्यालयमा कार्यरत उत्कृष्ट शिक्षकसंगै विद्यार्थीहरूलाई सम्मान गरिएको थियोे ।
प्रतिक्रिया दिनुहोस
सफल खबर संवाददाता
शुक्रबार, २४ माघ २०७६, २१ : १६
लेखकबाट थप
सम्बन्धित समाचारहरु
भरतपुर भ्रमण वर्ष : राप्ती नदीमा छाडिए २० वटा घडियाल गोही
सर्वसाधारणको लागि खुला हुँदै दियालो बंगला, सञ्चालनको जिम्मा भरतपुर महानगरलाई
भरतपुर भ्रमण वर्ष सफल पार्न प्रमुख दाहालको आग्रह
मेयर रेनु दाहाल लन्डनमा ‘अन्तर्राष्ट्रिय मेयर अवार्ड’ थाप्दै
भरतपुर महानगर प्रमुख दाहाललाई बेलायत जान मन्त्रिपरिषद्ले दियो अनुमति
आगामी कार्यभार भरतपुरमा उद्यमशिलताको विकास : प्रमुख दाहाल