डोनाल्ड ट्रम्पले ल्याए कडा प्रावधान

काठमाडौँ । अमेरिकी राष्ट्रपति डोनाल्ड ट्रम्पको सरकारले विहिबार नयाँ भिषा नियम प्रकाशित गरेर ‘गर्भ पर्यटन’माथि कडा प्रावधान ल्याएको छ ।  

यो कानुन विदेशी महिलाले अमेरिका पुगेर बच्चा जन्माउने अभ्यासलाई निरुत्साही गर्ने उदेश्यले ल्याइएको हो । अमेरिकाको संविधानले अमेरिकी जमिनमा जन्मिएका बच्चाले स्वत अमेरिकी नागरिकता पाउने लेखेको छ । 

यस संवैधानिक व्यवस्थालाई टेकेर विश्वका कैयौ देशका दम्पती बच्चा जन्माउने बेला अमेरिका घुम्न जाने र त्यहाँ गएर अस्पतालमा बच्चा जन्माएर नागरिकताको प्रत्याभुती गराएर फर्कन्छन् । 
अमेरिकाको कानुनले यस अभ्यासलाई अवैध भनेको छैन । तथापि सरकारले कहिलेकही गर्भ पर्यटकलाई ठूलो स्तरमा संचालन गर्नेहरुलाई पक्राउ गर्ने गथ्र्यो ।

सरकारको कारबाहीका बावजुद अमेरिकामा ‘गर्भ पर्यटन’ले ठूलो व्यवसायको रुप लिएको छ । यो व्यवसायमा संलग्न कम्पनीले विदेशी महिलालाई अमेरिका ल्याउने, अमेरिकामा बसोबासको क्रममा होटेल दिलाउने र चिकित्सा सेवाको प्याकेज नै दिन्छन् ।