काठमाडौँ । हराएको मोटरसाईकल पाउने आशा थिएन । माया मारिसकेका थिए मोटरसाईकल धनीले । कतिपयले अर्कै मोटरसाइकल किनिसकेका थिए ।
तर त्यही मोटरसाइकल पाउँदा छक्क नपर्ने को होला र । यस्तै भएको छ आज काठमाडौंमा । कुनै चिज पाउँदा खुसी मात्रै होइन मानिस छक्कै पर्छन् भन्ने उदाहरण आज मोटरसाईकल प्राप्त गरेपछि प्रमाणित भएको छ ।
काठमाडौंमा महानगरीय ट्राफिक प्रहरी महाशाखाले हराएका २१ मोटरसाइकल आज धनीलाई बुझायो । महाशाखाले उपत्यकाको अनामनगर, ताच्छिखेल, पशुपति, बागडोल टेकु, झम्सिखेल, बानेश्वर, लगनखेल, न्यूरोड, बसुन्धारालगायत क्षेत्रबाट मोटरसाईकल फेला पारेको थियो ।
महाशाखाका प्रमखु प्रहरी वरिष्ठ उपरीक्षक भीमप्रसाद ढकालले हराएर माया मारेकाहरुले मोटरसाईकल पाउँदा छक्कै परेको अनुभव सुनाए ।
अनिल श्रेष्ठ, भीमप्रसाद दुलाल, रमेश भण्डारी, शोभा महिजन, वेबी अग्रवाल, बाबुराम कार्की, शिव श्रेष्ठ, रूपेश मल्लले हराएको बाइक पाए । यस्तै रमेश तामाङ, श्रीजन ताम्राकार, हिमांसु रजक, राजेन्द्र तामाङ, केशवप्रसाद घिमिरे, पुष्करनाथ भण्डारी, राज राउत, राजकुमार ताम्राकारले पनि हराएको मोटरसाईकल लिएर गए । यस्तै सुवर्ण भण्डारी, छत्र नेपाली, केशवकुमार रायमाझि, मोदनाथ सिलवाल, निशान खड्काले पनि हराएको बाईक पाउँदा दङ्ग परे ।
हराएको अब भेटिँदैन भन्ने लागेको थियो धन्न पाइयो,’ अनिल श्रेष्ठले भने । प्रहरीले चालु आवमा २११ वटा हराएको मोटरसाइकल फेला पारेको छ । जसमा १३८ धनी फेला पारी जिम्मा लगाएको छ । २९ जना मानिस पक्राउ परेका छन् ।
प्रतिक्रिया दिनुहोस
सफल खबर संवाददाता
आइतबार, २० पुस २०७६, १७ : ५०
लेखकबाट थप
सम्बन्धित समाचारहरु
मोटरसाइकलको ठक्करले आमाको मृत्यु, छोरीको अवस्था गम्भीर
चीनबाट चोरेर ल्याएका मोटरसाइकल मुस्ताङ–डोल्पा सीमाबाट बरामद
मोटरसाइकल दुर्घटनामा दुई जनाको मृत्यु
दुई मोटरसाइकल ठोक्किँदा एकको मृत्यु, ३ जना घाइते
३७ लाख भन्दा बढीको लत्ताकपडासहित मोटरसाइकल बरामद
वीरेन्द्रनगरमा मोटरसाइकलको ठक्करबाट एक महिलाको मृत्यु