काठमाडौं । उपसभामुख शिवमाया तुम्बाहाम्फेले आज आफ्नो पदबाट राजीनामा दिने भएकी छिन् । भोलि बस्ने संसदको बैठकवाट सभामुख चयनको निर्वाचन प्रक्रिया अगाडी बढाउन र भोलिको बैठकको अध्यक्षता जेष्ठ सदस्यले गर्ने तयारीका लागि पनि उनले आजै राजीनामा दिने तयारी गरेकी उनको निजि सचिवालय स्रोतले बताएको छ ।
संविधानमा एकै पार्टीका व्यक्ति सभामुख उपसभामुख हुन नपाउने र फरक लिंगका हुनुपर्ने ब्यवस्थाका कारण पनि तुम्बाहाम्फेलाई राजीनामा दिनुपर्ने बाध्यता छ । नेकपाको संसदमा एक्लैको झण्डै दुई तिहाई बहुमत रहेकोले पनि उसले सभामुख पद अन्य पार्टीलाई दिन सक्ने छैन । त्यही भएर पनि तुम्बाहाम्फेले राजीनामा दिनै पर्ने बाध्यता छ ।
तुम्बाहाम्फेले राजीनामा दिएपछि भोलिको संसद बैठकको अध्यक्षता जेष्ठ सदस्यको हैसियतमा महन्थ ठाकुरले गर्ने तयारी छ । तुम्बाहाम्फेले आज सभामुखलाई सम्बोधन गरेर आफ्नो राजीनामा संसद सचिवालयमा दर्ता गराउने तयारी गरेकी छन् । ‘उपसभामुखज्युले आज पदबाट राजीनामा दिँदै हुनुहुन्छ,’ उपसभामुखको नीजि सचिवालय स्रोतले भन्यो, ‘सभामुखलाई सम्बोधन गरेर राजीनामा पत्र संसद सचिवालयमा दर्ता गराउने तयारी छ ।’
तत्कालीन सभामुख कृष्णबहादुर महराले यौन दुब्र्यवहारको आरोपमा राजीनामा दिएपछि संसदमा झण्डै तीन महिनायता सभामुख पद रिक्त छ । संसद सचिवालयले भोलिबाट सभामुख निर्वाचन प्रक्रिया शुरु गरेर १४ गते चुनाव गराउने तयारी गरेको छ ।
प्रतिक्रिया दिनुहोस
सफल खबर संवाददाता
विहीबार, १० पुस २०७६, ०९ : ४७
लेखकबाट थप
सम्बन्धित समाचारहरु
सुशासनको पक्षमा पत्रकारले कलम चलाउनुपर्छ : उपसभामुख रानामगर
संविधानले उपलब्ध गराएका अधिकार जनताले महसुस गर्न पाउनुपर्छ : उपसभामुख राना
जग्गाको हक महिलाको नाममा हुनुपर्छ : उपसभामुख राना
दुबईमा थुप्रिएर र मन्त्री भेटेरमात्रै जलवायु परिवर्तनको असर कम हुन्न : उपसभामुख राना
राष्ट्रिय सभाका अध्यक्ष सहित सातै प्रदेशका सभामुख र उपसभामुख अष्ट्रेलिया जाँदै
उपसभामुख राना भन्छिन्- म मेयर भए महल बनाउने नक्सा पास रोक्थें