चितवन । केन्द्रिय अस्पतालको रुपमा स्तरोन्नती हुदैं गएको भरतपुर अस्पताललाई विशेषज्ञ सेवासहितको अस्पताल बनाउन सरकारले निर्णय गरेपनि त्यो स्तरको काम हुन सकेको छैन् । वार्षिक ३ लाख ५० हजार भन्दा बढी बिरामीले सेवा लिने यो अस्पतालमा पछिल्लो समय भौतिक पुर्वाधार, थप जनशक्ति, अत्याधुनिक उपकरण जडानलगायतमा स्तरोन्नती गरिएपनि सेवाको क्षेत्रमा भने उल्लेख्य सुधार हुन नसकेको बिरामीहरुको गुनासो छ ।
दैनिक १ हजार ५ सय भन्दा बढी बिरामी यो अस्पतालमा सेवा लिन आउने गरेको तथ्यांक अस्पतालसंग छ । तर अस्पतालले सेवा प्रभावकारी बनाउन नसक्दा बिरामी तथा कुरुवा निकै हैरानी खेप्न बाध्य छन् । ६ सय शैंया रहेको अस्पतालमा चिकित्सक, स्वास्थ्यकर्मी र कर्मचारीका अभाव रहेको छ । अस्पतालको दरबन्दी अनुसार चिकित्सक, नर्स लगायत स्वास्थ्यकर्मी १ सय ७५ जना कार्यरत हुनुपर्नेमा अहिले १ सय ४५ जना मात्र कार्यरत छन् । अस्पतालका सूचना अधिकारी लीलाधर पौडेलले ४० जना चिकित्सकको दरबन्दी भएपनि हाल २६ जना मात्र कार्यरत रहेकाले समस्या हुने गरेको बताए ।
अस्पतालका सुपरिटेण्डेन्ट डा. श्रीराम तिवारीले अस्पतालको स्तरोन्नती भएपनि हालकोे दरबन्दी धेरै न्यून भएकाले स्वास्थ्य सेवा अन्तर्गतका चिकित्सक,नर्स अनमी गरी थप ७ सय ५७ जनाको नयाँ दरबन्दी प्रस्ताव गरेको बताए । अस्पतालमा विकास समिति अन्र्तगत अहिले ४ सय ८ जना कार्यरत छन् । ति मध्ये ४९ जना चिकित्सक छन् । अस्पतालको सरसफाइमो ठेकेदारमार्फत एक सयजना कार्यरत छन् । चितवन सहित १९ जिल्लाबाट बिरामी उपचारका लागि यो अस्पताल आउने गर्छन् । अस्पतालमा १९ वटा विभाग सञ्चालमा रहेको छ ।
काठमाडौँको परोपकार प्रसूति गृहपछि सबै भन्दा बढी सुत्केरी हुने अस्पतालको रुपमा यस अस्पताललाई चिनिने गरिन्छ । अस्पतालमा गत आर्थिक वर्षमा मात्रै १३ हजार ५ सय ४५ जनाले बच्चा जन्माएका थिए । यस अस्पतालमा वार्षिक रुपमा तीन लाख ५० हजार भन्दा बढी बिरामी उपचारका लागि आउने गरेको अस्पतालसंग तथ्याङ्क छ । मन्त्रिपरिषद्को गत फागुन ३ गतेको बैठकले अस्पताल केन्द्रीयस्तरको बनाउने निर्णय गरेको थियो । थियो । प्रदेश सांसद विजय सुवेदी अस्पताल केन्द्रीय स्तरको बनाउने भनिएसंगै भौतिक पूर्वाधार, उपकरण र जनशक्ति पनि त्यही सरह राज्यले उपलब्ध गराउनुपर्नेमा जोड दिन्छन् ।
प्रतिक्रिया दिनुहोस
सफल खबर संवाददाता
शुक्रबार, ०४ पुस २०७६, १० : ४७
लेखकबाट थप
सम्बन्धित समाचारहरु
भरतपुर अस्पतालको अनुगमनपछि स्वास्थ्यमन्त्री यादव भन्छन् - जनअपेक्षाअनुसार सेवा दिन सकिएको छैन
सुधारोन्मुख भरतपुर अस्पताल, सेवासुविधा बढाउँदै
भरतपुर अस्पतालमा मौसमी ‘फ्लू’ का बिरामी २० प्रतिशतले बढे
भरतपुर अस्पतालमा एक लाखसम्म निः शुल्क उपचार सेवा भएपनि बिरामी आउँदैनन्
भरतपुर अस्पतालमा सुत्केरी हुन आउने गर्भवतीमध्ये ४० प्रतिशतको शल्यक्रिया
भरतपुर अस्पतालमा थप पाँचवटा ‘बर्थिङ स्वीट्स रुम' सञ्चालनमा