चीनले दियो नेपाल प्रहरीलाई मोटरसाइकल

काठमाडौँ । नेपालस्थित चिनियाँ राजदुतावासले प्रहरीलाई २३ वटा मोटरसाइकल दिएको छ । 

दूतावासले महानगरीय प्रहरी कार्यालय काठमाडौँलाई सहयोग स्वरूप २३ वटा (५६ लाख ३२ हजार ७ सय रूपैया मूल्य बराबरको) मोटरसाइकल हस्तान्तरण गरेको हो । 

महानगरीय प्रहरी कार्यालय रानीपोखरीका प्रमुख प्रहरी नायव महानिरीक्षक शैलेश थापा क्षेत्रीलाई   मंगलबार आयोजित कार्यक्रममा चिनियाँ राजदूतावासका प्रथम सचिवले  उक्त मोटरसाइकल हस्तान्तरण  गरेका हुन् । 

सो प्रहरी नायव महानिरीक्षक क्षेत्रीले प्राप्त मोटरसाइकलहरूको प्रयोगबाट प्रहरी परिचालनमा थप तिव्रता आउने विश्वास व्यक्त गर्दै उक्त सहयोगका लागी चिनियाँ राजदुतावासलाई धन्यवाद व्यक्त गरे ।