काठमाडौं । बालुवाटरमा रहेको प्रधानमन्त्री निवास भत्काएर नयाँ भवन निर्माण गर्न थालेपछि भिआईपीहरुको आवास पनि अदलबदल भएको छ । बालुवाटारस्थित प्रधानमन्त्रीको सरकारी निवास भत्काउन थालेपछि भीआईपीहरु बस्दै आएका निवासहरु अदलबदल गरिएका छन् ।
शहरी विकास तथा भवन निर्माण विभागले प्रधानमन्त्री १० दिनको अस्पताल बसाईपछि बालुवाटर प्रवेश गरेको भोलिपल्टैबाट प्रधानमन्त्रीको निवास भत्काउन शुरु गरेको हो । त्योसँगै प्रधानमन्त्री, राष्ट्रिय सभाका अध्यक्ष लगायतको आवास अदलबदल भएको छ ।
बालुवाटारमा प्रधानमन्त्री निवाससँगै प्रधानन्यायधिस, मुख्य सचिव, प्रतिनिधीसभाका सभामुख लगायतका निवासहरु सँगसँगै जस्तो छ । प्रधानमन्त्रीको सरकारी निवास भत्काएपछि भीआईपीहरुको बसोबास अदलबदल गरेर व्यवस्थापन गर्ने प्रयास भएको छ । प्रधानमन्त्री ओलीलाई मुख्य सचिव बस्दै आएको निवासमा सारिएको छ । मुख्य सचिवको निवासमा यस अगाडी राष्ट्रिय सभाका अध्यक्ष गणेशप्रसाद तिमिल्सना बस्दै आएका थिए ।
तिमल्सिनालाई भने सभामुख निवासमा सारिएको छ । निवर्तमान सभामुख कृष्णबहादुर महरा संसदकै एक कर्मचारीसँगको यौन विवादमा परेपछि अहिले जेलमा छन् । उनले त्यो स्थान छोडेपछि राष्ट्रिय सभाका अध्यक्ष गणेश तिमल्सिनालाई त्यहाँ सारिएको छ । २८ करोड रुपैयाँ लगाएर प्रधानमन्त्री निवास बनाउन लागिएको छ ।
बालुवाटारभित्र प्रधानमन्त्रीका लागि निजि र सार्वजनिक भवन गरी दुईवटा बनाउने तयारी छ । दुवै भवन एकैपटक बनाउने गरी तयारी थालिएको छ । प्रधानमन्त्रीको भवन ९ महिनाभित्र निर्माण सम्पन्न गर्ने गरी तयारी भईरहेको बालुवाटार स्रोतले बताएको छ ।
प्रतिक्रिया दिनुहोस
सफल खबर संवाददाता
आइतबार, २२ मंसिर २०७६, ११ : ०७
लेखकबाट थप
सम्बन्धित समाचारहरु
प्रधानमन्त्रीबाट अन्तर्राष्ट्रिय प्रतियोगितामा पदक विजेता खेलाडीलाई पुरस्कार वितरण
प्रधानमन्त्री ओलीले सदनमा सुनाए स्पेन भ्रमणको उपलब्धि
प्रधानमन्त्रीसँग स्वीट्जरल्याण्डका विदेश मन्त्रीको भेट
प्रधानमन्त्रीले बोलाए मन्त्रिपरिषद् बैठक
प्रधानमन्त्रीले प्रतिनिधिसभा बैठकमा सम्बोधन गर्ने
प्रधानमन्त्रीले गरे बेलिब्रिज उद्घाटन, सिमकोटमा अब राष्ट्रिय सडक