काठमाडौं । बंगलादेशमा भइरहेको एसिसी इमर्जिङ टिम्स कपमा नेपालले पहिलो जित निकालेको छ । राजधानी ढाकामा शनिबार भएको खेलमा नेपालले हङकङलाई ४० रनले हराउँदै पहिलो जित हात पारेको हो ।
नेपालले दिएको २१८ रनको लक्ष्य पछ्याएको हङकङले ४५।५ ओभरमा सबै विकेट गुमाएर १७७ रन बनाउन सक्यो ।
हङकङका किन्चिट शाहले ५३, एहसान नवाजले अविजित ४४ रन जोड्दा हरोन महमद अर्सादले २६ रन बनाएका थिए ।
नेपालका लागि करण केसी र अविनास बोहराले ३–३ विकेट लिए भने सुशन भारीले २ विकेट लिएका थिए ।
यस अघि टस हारेर पहिले ब्याटिङ गरेको नेपालले निर्धारित ५० ओभरमा २ सय १७ रन जोडेको थियो । नेपालको सुरुवात भने खराब रह्यो । कप्तान ज्ञानेन्द्र मल्ल दोस्रो बलमा क्याचआउट हुन पुगेका थिए । लगातार दोस्रो खेलमा दोस्रो बलमा आउट भएका ज्ञानेन्द्रले यस खेलमा पनि खाता खोल्न सकेनन् । उनी यसअघि भारतविरुद्ध पनि दोस्रो बलमा बोल्ड भएका थिए ।
कुशल भुर्तेल १ रन आउट भए । तेस्रो नम्बरमा ब्याटिङ गर्न आएका शरद भेषवाकरले ८९ रनको योदन दिए । शरद र दिपेन्द्र सिंह ऐरीबीच ८३ रनको साझेदारी रह्यो । जसमा दिपेन्द्रले ३७ रनमा बनाएका थिए । आरिफ शेख ४८ रन बनाए भने विनोद भण्डारीले १५ रन जोडेका थिए । अन्य नेपाली ब्याट्सम्यानले दोहोरो अंक जोड्न सकेनन् ।
हङकङका लागि मोहमद अजिज खानले ३ विकेट लिए भने नस्रुलाह राना र एहसान नवाजले २र२ विकेट लिए ।
जितसँगै नेपालले सेमिफाइनल पुग्ने सम्भावना कायम राखेको छ । अब नेपालले समूह चरणको अन्तिम खेल मंसिर २ गते बंगलादेशसँग खेल्नेछ।
नेपाली टिममा पूर्व कप्तान पारस खड्का र सन्दीप लामिछाने छैनन् । दुवै जनाले युएईमा हुने टी-१० लिग खेल्नका लागि क्यानसँग अनुमती लिएका थिए ।
मंसिर ७ गतेसम्म हुने टिम्स कपमा नेपाल समूह ‘बी’ मा छ । नेपालको समूहमा आयोजक बंगलादेश, भारत र हङकङ छन् ।
प्रतिक्रिया दिनुहोस
सफल खबर संवाददाता
शनिबार, ३० कार्तिक २०७६, १८ : ०५
लेखकबाट थप
सम्बन्धित समाचारहरु
क्रिकेटः मलेसियाविरुद्ध टस हारेर बलिङ गर्दै नेपाल
आयरल्याण्ड ‘ए’विरुद्ध नेपालको उत्कृष्ट शुरूआत
आयरल्यान्ड 'ए'विरुद्ध नेपालले पहिला ब्याटिङ गर्ने
वीरेन्द्रनगरमा क्रिकेट रङ्गशाला र देउडा पार्क निर्माण सुरु
नेपाल र हङकङले आज मैत्रीपूर्ण क्रिकेट खेल्ने
नेपाल ए ले दियो क्यानडा-११ लाई १८२ रनको लक्ष्य