चितवन । दुई वटा मोटरसाइकल एक आपसमा ठोक्किँदा पर्सा जितपुरका ३२ वर्षीय बैजनाथ चौधरी को मृत्यु भएको छ । 
जिल्ला प्रहरी कार्यालय चितवनले जनाए अनुसार भरतपुर महानगरपालिका २९ सत्रकिलोस्थित नारायणगढ मुग्लिन सडकखण्डमा मुग्लिनबाट नारायणगढतर्फ आउँदै गरेको ग १७ प ४५६४ नम्बरको मोटरसाइकल र मुग्लिनतर्फ गइरहेको बा ५३ प १६५० नम्बरको मोटरसाइकल आज दिउँसो साढे १ बजे एकापसमा ठोक्किएका थिए । 
प्रहरीका अनुसार गम्भीर घाइते चौधरीको चितवन मेडिकल कलेजमा उपचारका क्रममा १ः५५ बजे मृत्यु भएको हो । दुर्घटनामा २ जना घाइते भएका छन् ।