नाइट क्लबमा भेटिएका विमल घर्तीमगरसहित चार फुटबल खेलाडी कारबाहीमा

काठमाडौं । नाइट क्लबमा भेटिएका चार फुटबल खेलाडी कारबाहीमा परेका छन् । 
विश्वकप २०२२ कतार र एएफसी एसियन कप २०२३ चीनको छनोट प्रतियोगिताअन्तर्गत कुवेतविरुद्धको खेलका लागि राष्ट्रिय टिममा परेका विमल घर्तीमगर, मिडफिल्डरद्वय अञ्जन विष्ट र सन्तोष तामाङ तथा डिफेन्डर दिनेश राजवंशीलाई कारबाहीमा परेका हुन् । उनीहरु मध्यरातमा ठमेलका विभिन्न क्लबमा भेटिएका थिए ।

चारै जनालाई एन्फाले प्रशिक्षक योहान कालिनसँग छलफल गरेर हटाएको हो । एन्फाका प्रवक्ता किरण राईले चार जना अनुशासनको कारबाहीमा परेको पुष्ट गरे  ।